現年38歲的洪欣與拍拖4年的27歲張丹峰拉埋天窗

洪欣愛的宣言聽到膩

現年38歲的洪欣昨日與27歲內地演員張丹峰結束四年愛情長跑，於四季酒店擺喜酒宴親朋。一對新人受訪期間，新娘竟抱怨丈夫經常將愛的宣言掛嘴邊，新婚之日即耍花槍，幸福滿瀉。

洪欣昨晚六時聯同老公，以及蔡少芬（Ada）、蒙嘉慧、陳法蓉、潘美辰、麥長青等兄弟姊妹團見記者，洪欣說：「擺咗十幾圍，婚禮簡單為主，請牧師嚟註冊。我個仔做花仔，佢雖然緊張，但最開心係佢。（被老公愛的宣言感動？）佢成日都講㗎啦！到依家我都仲未感動到喊，因為忙招呼親友，冇時間停低。時間愈接近，愈驚招呼賓客有唔周到嘅地方。Ada負責設計玩新人遊戲，任由佢哋安排，我唔會錫住老公。」

打工仔: 之前睇完敗犬女王, 裡面的姐弟戀一樣開花結果,這對是現實版本. 恭喜晒. 不過自問我自己就仍然未接受到喇, 可能當愛情來到既時候就會明白, 而且心境都會係一個重要冒因素.